एकता को परिचय

Total Views : 244
Zoom In Zoom Out Read Later Print

स्नेही श्री आदरणीय मोरा स्वजातीय समाज बंधु अज आपलो पोवार समाज साती चिन्ता को विषय से की आपलो समाज पर जो आघात भई से वा एक बडी दुख:द घटना से ,आपलो पोवार समाज ल एक हिरा दवड गयेव ,एक जीव आत्मा येन संसार ला परिवार ला पोवार समाज ला येन देश ला सोडकर स्वधाम ला चलीगई ,पर जाता जाता समाज ला येक प्रेरणा देयकर गई की येन मायारुपी संसार मा जो आत्मा आवसे वा काही दिवस साती आवसे ना आपला कर्तव्य पुरा करके येन मायारुपी संसार ल आपलो स्वधाम ला चली जासे ,पर एक मानव समाज ला प्रेरणा देयकर जासे की ,मनुष्य येन मायारुपी संसार मा जगेय केत्रो येला काही महत्व नाहाय पर ऊ येन मायारुपी संसार मा जगेय कसो रहेव कसो येला महत्व से ,

         अज आमला एक बात समज मा आई की आम्ही जो मोरो मोरो करसेज ऊ आमरो नोहोय पर आम्ही जो परहित साती करसेज दुसरो को सुखदुख साती धावसेज वाच खरी आमरो जीवन की पुण्याई आय आम्ही जो गोरगरीब साती हमेशा त्तपर रव्ह सेज वा आमरो जीवन की कमाई आय असो मोला लगसे !!

         अज जो ऊत्तर नागपुर मा जो मोरा स्वजातीय पोवार समाज को भाईनकी एकता देखकर असो लगेव की आपलोला अगर कमावनोसे त आदमी कमाओ धनमाया त एक माया को पसारो आय असो मोला लगसे !!

         अज आदरणीय स्वर्गीय देवकीनदंनजी भगत साती दवाखाना मा जो जनसैलाब ऊमंडे होतो ऊ एक एकता को परिचय आय ,नागपुर का सप्पाई संगठन ,गगांनगर सगंठन खापरखेडा ,रामटेकेनगर पोवार समाज एकता मंच ,वाजंरा कलमना ,हिगंणा वाणाडोगंरी ,वाडी संगटन ,पारडी संगटन ,ऊत्तर नागपुर संगटन ,मी पोवार डिजीटल संगटना ,खसाळा मसाळा संगटन ,का सप्पाई पदाधीकारी  सदस्य अना आपलो पोवार समाज का राजनेता आदरणीय यशवंत गुड्डु राहागंडाले ,श्री चिन्टुजी बिसेन ,ये सब रात को 8 बजे पासुन त आखरी अंतीमस्वसंकार वरी सब टस ल मस नही भया येव से आपलो एकता को परिचय ,वाहा जो जनसैलाब होतो ऊ कोणी को बुलायेव ल नही आये होतो ,ऊ एक समाजहित को प्रेम आय असो मोला लगसे !!

          मोरो स्वजातीय समाज बंधु ला एकच बिनंती से ,आपलो समाज मा कही बी सुख दुख की घडी आवसे त सब मीलकर वोको कार्य ला पार करे पायजे असो मोला लगसे !!

                       आपलोच

          श्री हिरदीलालजी ठाकरे

See More

Latest Photos

Share via Whatsapp